Туршилтын блог

Өнөөдөр машинаа оношилгоонд орууллаа, үзлэгт орууллаа, татвараа төллөө, тэгээд гурвалжин наалдасаа авлаа, хэдэн тамга дарууллаа. Монголд, тэр дундаа Улаанбаатарт хэн ч бултая гэж боддоггүй, бодохыг ч хүсдэггүй заавал дайраад гардаг арга хэмжээнүүдийн нэг бол жил бүр явагддаг тээврийн хэрэгслийн оношилгоо, үзлэг.
"Тээврийн хэрэгслийн үзлэг оношилгоо" цааш унших »

Саяхан найзаасаа нэг хөгтэй явдал сонслоо. Улаанбаатар хотын томоохон албан тушаалтнууд Бээжин хотын төлөөлөгчидтэй Бээжинд албан уулзалт хийж л дээ. Гэтэл манай талын нэг томоохон этгээд "Яагаад Эрээнд мод ургаад Замын-Үүдэд ургахгүй байна. Та нарт мод ургуулах нууц арга байна уу, хуваалцаач" гэж асууж. Тэгсэн нэг хятад нь "Монголд мод ургах нь битгий хэл, Бээжинд байгаа танай элчин сайдын яамны хашаанд ч мод ургадаггүй шүү дээ" гэж даапаалан хариулсан гэнэ.
"Мод яаж ургуулах бэ?" цааш унших »

Сая нэг клип үзлээ. Номин талст хамтлагын Батсүхийн Чи наддаа ганц гэдэг дууных. Гүйлгэж хардаг зангаараа эхлээд нэг үзсэн буудалцаад л байх шиг байлаа. Дараа нь дахиад нэг үзтэл их гүн гүнзгий утга санаатай эд байна. Энгийн аз жаргалтай залуу хос, хүүхэдтэй болоод цэцэг барин эмнэлэг рүү алхаж яваа залуу, гэнэт буутай хүмүүс хэн нэгнийг хөөж яваад гэмгүй залууг буудаж орхино.

Тэр залуу хээр очиж шил чулуугаар онож тоглосноос өөр гэм хийсэнгүй, юу болж байгааг ч ухаарч амжсангүй.

Энэ клипийг http://tube.banjig.net/music/watch/1002 хаягаар үзээрэй. 7 сарын 1-ний тэр хар өдрөөс болж хичнээн халуун гэр бүлд хагацлын сүүдэр гэнэт тусаа бол.

 

 

 

Нээлттэй эхийн хөдөлгөөн интернэтийг өдий зэрэгтэй болоход хүргэсэн гол хүчин зүйлсийн нэг гэж би боддог. Хэрвээ Linux, Apache, PHP, Python гээд олон төслүүд байхгүй байсан бол өнөөдөр интернэт ямар байх байсан бол. Интернэтийн амин судас болох мэдээлэл дамжуулах нээлттэй стандартуудыг ч энд дурдах ёстой.

Миний хувьд нээлттэй эхийн төслүүдийг ихээр хэрэглэдэг, боломжоороо оролцохыг, дэмжихийг хичээдэг. Учир нь дэлхий даяар хөгжүүлэгчдийн хүсэл сонирхол, хоорондын хамтын ажиллагаа, олон нийтийн санал бодол дээр тулгуурлан улам улам боловсронгуй болон хөгжүүлэгдэж байгаа эдгээр олон төслүүдээс ажил хөнгөвчилж, шинэ боломжийг олгож байдаг нь дэндүү олон.

Энэ удаа та бүхэнд сонирхолтой байж магад хэмээн Банжиг.Нээтийн хөгжүүлэлт, дэд бүтцэд ашиглагддаг зарим нэгэн нээлттэй эхийн төслүүдийн тухай товч дурдая гэж бодлоо.

"Банжиг.Нээтийн ашигладаг нээлттэй эхийн төслүүд" цааш унших »

Gmail нь хайлтын аварга машин бүтээгч Google-ийн бий болгосон, уламжлалт и-мэйл үйлчилгээнд олон чиглэлээр хувьсгал хийж чадсан үйлчилгээ юм. Энэ үйлчилгээ хэдийгээр хожуу эхэлсэн ч гэсэн интернэт хэрэглэж сурсан хүмүүсийн хувьд үнэхээр дутагдаж байсан зүйлийг нь өгсөн гэж болно. Тэдний анх санал болгосон 1GB мэйл багтаамжийг зөвхөн энд дурдаж болохгүй. Энэ удаа би өөрөө яагаад Gmail дээр суурилсан мэйл хэрэглэж эхлэх болсон, яагаад Yahoo ID-гаа хааяа мессенжер ашиглах үедээ л хэрэглэдэг болсон, ийм шилжилт хийхэд нөлөөлсөн шалтгаанууд юу байсан тухай та бүхэнтэйгээ бодлоо хуваалцая гэж бодлоо.
"Gmail хэрэглэх хангалттай нэг шалтгаан" цааш унших »

Интернэт зөвхөн мэдээлэл хайх, хүмүүс хоорондоо харилцах хэрэгсэл биш хүмүүсийн амьдралын салшгүй нэгэн хэсэг болж байна. Сүүлийн хэдхэн жилийн дотор эрчээ авч буй соошл сүлжээнүүдийн нөлөө үүнд асар их. Олон жилийн өмнө таньдаг хүмүүс маань хаана юу хийж байгааг бид дам дамаар сүүлд мэддэг байлаа. Гар утас нэвтэрснээр хугацаа нь арай багассан.

Харин соошл сүлжээнүүдийг ашигласнаар та өөрийн таньдаг хүмүүс хаана юу хийж байгаа, хэнтэй танилцаж байгаа гээд олон зүйлийг шууд тэр доор нь өөрөө хайж мэдэх боломжтой болсон. Энгийн үгээр таны амьдралын нэгэн тусгал интернэтэд бий болсон гэсэн үг.

"Соошл сүлжээ ба интернэтийн дэд бүтэц" цааш унших »

Тэднийг царай муутай гэдгийг бүр нийтээрээ хүлээн зөвшөөрчихсөн. Үргэлж л өнгө зүсийг нь гялайлгах гэж элдэв янзын будаг шунх түрхэнэ. Тэр нь их зарлагатай. Гэвч эзэн нь түүнийгээ их чухал ажил гээд бусдад үнэмшүүлчихнэ. Царай л сайхан байвал бусад нь яах бэ гэж!

"Царай муутангууд" цааш унших »

Өнөөдөр Банжиг.Нээтэд нэвтэрсэн зарим нэг хүмүүс Банжиг Мэйл нээгдсэн тухай мэдээлэл гарч ирсэнийг анзаарсан байхаа. Үнэхээр бид шинэ үйлчилгээ нээхээр зэхэж байгаа юм шүү. Та бүхэн аль болох эртхэн өөрийнхөө Банжиг Мэйлийг идэвхжүүлээрэй.

Бид Банжиг Мэйл нээх тухай аль эрт бодож эхэлсэн ч Gmail гарч ирээд 1GB гэх мэтээр мундаг мундаг том зай олгоод, тэгээд и-мэйл үйлчилгээний технологи, дэд бүтэц үнэхээр бид яагаад ч гүйцэхээргүй болж эхэлсэн тул энэ бодлоосоо салах дээр тулаад байсан юм.

"Yahoo! Mail минь чамд баяртай гэж хэлэх болох нь" цааш унших »

Дөнгөж саяхан тэд шинэ вэб хөтлөгчөө зарлачихлаа, бета хувилбарыг нь хэрэглээд үзчихлээ. Түүнтэйгээ зэрэгцээд тэд Picasa 3 beta гаргачихлаа, бас хэрэглээд үзчихлээ. Аль аль нь таалагдлаа. Угаасаа л Гүүгл нэр орсон л бол өөр болоод явчихдаг.

Google Picasa урьд нь өөр компанийн бүтээгдэхүүн байсан, Гүүгл ах юутай хээтэй нь худалдаад авчихсан. Анх хэрэглэж байхад дажгүй ч олон сул тал байсан, харин удаж удаж Гүүгл нэртэй нь хамт хэрэглээд үзсэн тэс өөр, бүр сайн болчихож. Google Chrome ч гэсэн олон Нээлттэй эхийн бүтээгдэхүүн, технологууд дээр суурилсан бүтээгдэхүүн, тэгэхдээ л Гүүгл ахын санаа орчихсон болоод тэрүү арай өөр болж. Тэгэхдээ би одоохондоо Firefox-оо хэрэглэнээ.
"Энд ч Гүүгл, тэнд ч Гүүгл, хаа сайгүй Гүүгл" цааш унших »

Хүн надаас энэ ямар уу гэж асуухад би зүгээр гэж хариулдаг. Угтаа энэ бол надад таалагдсан гэсэн үг. Гоё, сайхан, гайхалтай гэдэг үгнүүдийг төдийлөн хэрэглээд байдаггүй. Харин 2 хоногийн өмнө нэг ном нээж үзэнгүүтээ л өөрийн эрхгүй үнэхээр ГОЁ хэмээн дуу алдлаа.

Энэ номыг их олон хүн зохиожээ. Тэгэхдээ ихэнх хүмүүс нь яаж гэдгээ ч мэдэхгүйгээр оролцож. Та бүхний сайн мэдэх Тарчлаан блогийн эзэн маань өөрийн өөрийн блог дээр бичсэн шүлэг, бодол эргэцүүлэлүүдээ нэгтгэн ном гаргасан юм байна.

"Үнэхээр ГОЁ ном" цааш унших »

Багадаа жимсэнд явдаггүй байсан ч гэсэн сүүлийн үед нилээд хэдэн төрлийн жимс түүлээ. Хамгийн сүүлд хад жимс түүлээ. Уг нь их ойрхоон газар байдаг юм байна. Зайсангийн ам өөд жаахан өгсөөд Банжиг уулзалт болох гэж байгаа Богд Хан гээд амралтын газар бий, түүнээс цааш 20-30 минут аажуухан алхахад жимсэн дунд ороод явчихна даа.

Яагаад гэдгийг мэдэхгүй ямартай ч хад гэдэг жимс маань хад, асгатай газар дагаж өндөр бутанд ургадаг юм байна. Түүхэд их хялбар, шувтраад авахад атга дүүрээд ирэх нь урамтай. Өдий насыг насалчихаад Улаанбаатарт өчнөөн олон жил амьдарчихаад ойрхон гараад жимс түүж үзээгүйг бодоход би амарч чаддаггүй хүн юм байна.

"Жимс түүсэн нь" цааш унших »

Надад танихгүй атлаа сайн таних олон танил бий. Тэдний юу хүсэж мөрөөддөг, юманд хэрхэн ханддаг, юу хийдэг бүр юу хийх гэж байгааг нь ч сайн мэднэ. Харин ганц л зүйлийг мэдэхгүй. Зүсийг нь. Магадгүй бас нэрийг нь.

Зүсийг нь танихгүй ч тэдний ихэнх нь миний амьдралд тодорхой хэмжээгээр нөлөөлөхүйц хүчтэй танилууд. Тэд миний онлайн танилууд. Тоог нь гаргаж мэдэхгүй тийм олуулаа байдаг танилууд.

"Танихгүй танилууд" цааш унших »

Ойрд блог энэ тэрээ мартахаа шахлаа. Хэн нэг нь Банжигийн шар мэдээнд намайгаа хөөрхөн явуулаад биччихсэн ч харагдана лээ. Үнэндээ өмнөх бичлэгүүдэд хальт дурдаж байсан хуримдаа бэлдээд, хуримаа хийгээд, хуримын дараа хэсэг амсхийгээд байгаа минь энэ. Долоо хоногийн өмнө амьдралынхаа анхны бөгөөд цорын ганц хайрын хуримыг хийлээ. Цаашдаа магадгүй мөнгөн, алтан гээд хийх байх л даа. Хурим хийнэ гэдэг хэлбэр талаасаа ч агуулга талаасаа ч үнэхээр чухал явдал гэдгийг улам их ойлголоо доо.
"Хурим" цааш унших »

2 жил гарны өмнө анх JCI гээд байгууллагад гишүүнээр элсэхээр JCI Capital-ийн залуусын хамт Таван толгой дахь цэргийн сургалтын төв рүү явсан юм. Тэнд байсан бараг бүх хүмүүс миний хувьд анх уулзаж байгаа хүмүүс байлаа. Тэд юм л бол Кевин яачив, ноднин Кевин тэгээд гээд л ярих. Би ч нэг гадаад нөхөр байгаа даа л гэж бодож байтал сайхан инээмсэглэсэн шар хүн орж ирээд бүгдэнтэй нь хүндэтгэлтэйгээр гар барьж билээ. Бидний анхны уулзалт энэ байлаа.

"Тэр хэн бэ?" цааш унших »

Хэд хоног блогоосоо ч Банжигаасаа ч тас хөндий байж үзэв. Дээр хэлж байсан Билл Гейтстэй уулзах боломж байна гээд. Тэр арга хэмжээндээ оролцоод бас бус газраар ороод ирлээ. WCIT нь Дэлхийн мэдээллийн технологийн хамгийн том арга хэмжээнүүдийн нэг юм. Тус арга хэмжээнд Интерактив компаниас 5 хүн, МИДАС-аас 2 хүн, мөн Нийгмийн даатгалын газраас нэг хүн, Датаком компаниас 1 хүн дээр нь би эхнэртэйгээ нийт 11 хүн Монголоос оролцлоо.
"WCIT 2008 болон бас бус зүйл" цааш унших »

Хүн бүхэнд хүсэл мөрөөдөл, хүрэх газар, түүндээ хүрэх зам гэж бий. Зарим нэг нь түүнийг цаанаасаа зурсан зураг гэж үздэг, харин би энэ бол бидний зурах зураг гэж боддог. Монгол улсын алдарт нийтлэлч Баабар гуай хүртэл хүний төрөлх зан төлөв нь хүрэх цэгийн хол ойрыг заана хэмээн цэцэрхэн бичсэн байдаг. Магадгүй тэдний хувьд тийм  байх, харин миний бодлоор сул доройчуулын хувьд энэ үнэн байх.

Хүмүүс гайхалтай хэмээн шагшин ярих дуртай, асар өндөр, нарийн хийцтэй барилга байгууламж эсвэл маш ухаалаг машин, роботыг хараад шагшихгүй байхын аргагүй. Харамсалтай нь ихэнх хүмүүсийн хувьд гайхамшигтай хэмээн шагшин магтахтай нь зэрэгцэн тэр бүхнийг өөрөөсөө хэтэрхий хол хэзээ ч би үүнийг хийж чадахгүй гэсэн бодол бий болдог шиг санагддаг.

"Гайхамшиг гэж юу вэ, хэн түүнийг бүтээж чадах бэ?" цааш унших »

Шинээр сургууль төгсөөд ажилд орсон залуус Монгол хэл дээр материал уншаад явбал гадаад хэл дээрээс уншсанаас илүү хурдан хугацаанд боловсорч байна хэмээн дээхнэ Инженерсофт компанийн захирал Батболд ах яриандаа хавчуулаад авсан. Энэ талаар манайхан дунд олон янзын үзэл бодол бий. Зарим нь орчуулах хэрэггүй шууд гадаад хэлээр нь ном, сурах бичиг ашиглаад явах хэрэгтэй ч гэдэг. Тэгэхдээ эцсийн эцэст үг хэллэг, орчуулга гэдэг бол өөрөө мэдлэг юм гэдийг хүлээн зөвшөөрөх хэрэгтэй.

"МТ-ийн ном сурах бичиг орчуулах тухайд" цааш унших »

Нэг их сайхан зүйл хийж байгаа юм шиг сүрхий гарчиг өгөөд л и-мэйлээр булчих юм байна л даа. Би үүнийг чинь хүсээгүй ш дээ. Ихэнх нь нөгөө Монголын толгой гэгддэг компаниудаас ирэхийг нь яана, тэгээд бүр дургүй хүрмээр нь гайгүй IT гэгддэг компаниудаас нь шүү!

Бодвол энд тэнд анкет бөглүүлж аваад хэдэн и-мэйл хаяг цуглуулдаг байх, тэгээд тэр болгон руу хүссэн үедээ хүссэн зүйлээ илгээж болно гэж боддог байх. Үгүй яах бэ болноо, найзуудаа. Тэгэхдээ миний эзэмшил, миний и-мэйл хайрцганд битгий хэнээс гэдгээ нуух гээд ядчихсан сурталчилгааны и-мэйл илгээгээд байл даа. Би үүнийг чинь хүсээгүй ш дээ.

"Хүсээгүй байхад больчих тэгэх үү!" цааш унших »

Зурагтаар мэдээ гарч байна. Сийрүүлвээс, Microsoft Монголд салбараа нээх гэнэ, Билл Гейтс Монголд ирэх гэнэ. Танил маань ярьж байна. Сийрүүлвээс, Сайханбилэг сонгуулийн шоу хийж байна, зүгээр үнэгүй хэрэглээд байсан программуудыг заавал лиценз худалдаж авдаг болгох гэж байна гэнэ шүү моньд чинь.

Энэ тухай та ч аль хэдийн сонссон, эсвэл уншсан байх. Монголын эдийн засаг сайжирч байна, томоохон компаниуд бий болж байна, зах зээлийн багтаамж нэмэгдэж байна. Бид хүссэн ч эс хүссэн ч Microsoft мэтийн томчуул Монголыг сонирхож эхлэх л байсан, болох л ёстой зүйл.

"Microsoft Монголд орж ирэх гэнэ" цааш унших »

Батлав: 2008 оны JCI Монголын Үндэсний Ерөнхийлөгч            Ц.Эрдэнэбилэг  

JCI Монголын сагсан бөмбөгийн аварга

[youtube=http://www.youtube.com/watch?v=_2OjBzAYZV8]

 

шалгаруулах тэмцээний заавар

2008.01.26

Нэг. Зорилго

JCI Монголын гишүүд болон салбаруудын хооронд эв нэгдэлтэй болгох, JCI Монголын гишүүдийг Эрдэнэт хотод сурталчлах, гишүүдээс шилдэг тамирчдыг гаргах

Хоёр. Хугацаа

1. JCI Монголын сагсан бөмбөгийн аварга шалгаруулах тэмцээн 2008 оны 2 дугаар сарын 23 ны өдрийн 11 цагт Эрдэнэт хотын УБҮ-ийн "Хангарьд" спорт цогцолборын Хангарьд паласд явагдана.
2. JCI Монголын сагсан бөмбөгийн аварга шалгаруулах тэмцээний техникийн зөвөлгөөний хурал 2008 оны 2 дугаар сарын 23 ны өдрийн 10 цагаас Хангарьд паласд болно.
3. JCI Монголын сагсан бөмбөгийн аварга шалгаруулах тэмцээнд оролцох баг тамирчдын мэдүүлэгийг тэмцээн эхлэхээс 5 хоногийн өмнө тэмцээн зохион байгуулах комисст ирүүлнэ.
4. Багийн мэдүүлэгнд зөвхөн JCI нь гишүүний тодорхойлолт байна.

Гурав. Тэмцээний хөтөлбөр

Баг тус бүрээс эрэгтэй, эмэгтэй баг байна.

Дөрөв. Тэмцээний дүгнэлт

1. JCI Монголын сагсан бөмбөгийн аварга шалгаруулах тэмцээнийг Улсын зэрэгтэй шүүгчид шүүнэ.
2. Тэмцээнд оролцсон тамирчдыг 1, 2, 3-р байр шалгаруулан цом, диплом, алт, мөнгө, хүрэл медалиар шагнана.

Жич:

• Тэмцээнд оролцох тамирчдын зургийг *.jpg болгож э-шуудангаар тэмцээн зохион байгуулах хороонд тэмцээн эхлэхээс 2 хоногийн өмнө ирүүлнэ
• Тэмцээнд тамирчид мандаттай оролцох болно.
• Мандат 1500 төгрөг

Зохион байгуулах хороо Эрдэнэт JC